Познание мира 4 класс. Тема: Суды қорғау

Сабақ жүргізген мұғалімнің аты-жөні

Қанимағанбетова

Гүлнар

Ұзаққызы

4 сынып.

Ақмола облысы

Зеренді ауданы «М.Ғабдуллин атындағы жалпы білім беретінорта мектеп» КММ

 2014 жыл

Сабақтың атауы

Суды қорғау

Сілтеме

 К.Жүнісқызы, Ә.Бірмағамбетова, К.Аймағамбетова, Қ. Жүкешов

4 - сынып оқулығы. Бейнематериал  Сабақ жоспары.

Жалпы мақсаты

Судың адам өміріндегі маңызды, оны қорғау туралы оқушылардың білімдерін қалыптастыру.

2. Дүниетанымын, ой - өрісін, пәнге деген қызығушылығын дамыту.
3. Салауатты өмір салтын, табиғатты қорғау сезіміне тәрбиелеу.

 Міндеттер:

-Қазақстандағы өзен көлдермен таныстыру, олардың атауларын атай отырып, картадан таба білуге үйрету;

 -өзен, көлдер туралы оқушылардың білімдерін дамыту, судың пайдасы мен оны қорғау жолдарын түсіндіру, алған білімдерін жүйелі түрде жеткізе білуге үйрете отырып, дүниетанымын дамыту;

- табиғатты қорғауға және оны аялай білуге, Отанға деген сүйспеншілікке тәрбиелеу.

Мұғалімдер үшін оқу нәтижелері

1.Оқушылардың берілген ақпараттар  арқылы аталған тақырыпты меңгеруі;

2.Оқушылардың өзін-өзі бағалауға қалыптастыруға үйрету;               

3. Ұйымшылдыққа, ұқыптылыққа, жауапкершілікке тәрбиелеу.

Сабақта туындаған негізгі идеялар

1.Оқушының  өмірдегі біліміне, білетініне сүйену;

2.Тақырыпты бекіту арқылы оқушыға жаңа ойлау дағдысын қалыптастыру.

Күтілетін нәтиже

1.Бірлесіп жұмыс істейді, пікірлерін айтады.

2.Еркін сөйлейді, идея айтады. Қорытынды жасайды.

.

Тапсырмалар

Топтастыру, топбасшын  таңдау, сурет қиындылары арқылы 3 топқа бөлу.

Топбасшылары сайланады, топбасшыларына бағалау парақшасы беріледі.

                                                      Қызығушылықты ояту                              

Мұғалімнің іс-әрекеті

Оқушының іс-әрекеті

Сыныпты 3 топқа бөлемін

1 топ – «Зерттеушілер».
2. топ – «Ғалымдар».
3. топ – «Экологтар».

                                   Мағынаны тану                                            

1-топқа

 Картадан Қзақстандағы ірі - өзендер мен көлдерді көрсетіп ата.

2. «Шипалы сулар» деп қандай суларды атайды? Оның адам ағзасына деген пайдасын түсіндір.

Ж: Өзендері – Ертіс, Жайық, Есіл, Тобыл, Сырдария, Іле, Нұра, Сарысу, Торғай, Каспий теңізі.
Көлдердің ең үлкені – Балқаш.
Ж: Шипалы сулар – ішуге жарамды судың бір метрінде 2 - 20 грамм еріген тұздар болады. Олар адам ағзасына пайдалы, әр түрлі сырқаттардан айыруға жәрдемдеседі. Ем арасында олар « арасан» деп аталады.

«Ғалымдарға» ұсынылатын сұрақтар:
1. Табиғаттағы су айналымы туралы айтып түсіндір?

2. Табиғатта қоспасы жоқ, тап - таза су бола ма?

Ж: Булану – бұлт – жауын – шашын – мұздық – булану.

Ж: Табиғатта қоспасыз тап - таза су жоқ, таппайсың. Таза суды тек лабораторияларда ғана алуға болады. Ондай судың ешбір дәмі жоқ, онда тірі оргпнизмге қажетті тұздар да болмайды. Теңіз суының құрамында өте көп мөлшерде еріген тұздар бар, оны ішуге жарамайтындығы сондықтан.
Мұғалімнің түсініктемесі: Алайда ішуге жарамды таза су жер бетінде барған сайын азайып бара жатыр. Адамдар суды өнеркәсіп қажетіне көп пайдаланып, оны өндіріс қалдығымен ластауда. Инженерлер суды тазартудың алуан түрлі әдісін ойлап тапты. Елімізде ластанған сулар мен өнеркәсіп қалдықтарын өзен – көлдерге төгуге тыйым салынған.

«Экологтарға» ұсынылатын сұрақтар:
1. Ластанған су деп қандай суды атайды?
2. Суды қорғауға сен қандай үлес қоса аласың?.

Ж: Пайдаланған су шайынды суға айналады. Оны ластанған су дейді.

Ж: Ластамауға тырысамын. Суды үнемдеп жұмсар едім

Теориялық білім беремін

Сусыз жер бетіндегі ешбір ағза тіршілік ете алмайды. Ол барлық жануарлар мен өсімдіктердің құрамына кіреді. Мәселен, қарбыздың 98℅- ы, медузаның 99℅- ы судан тұрады. Адам денесінің жалпы салмағының жартысынан астамы судың үлесіне тиеді. Адам тамақ ішпей бір айдан астам уақыт өмір сүре алады, ал сусыз үш күн де тұра алмайды. Су егін егуге, өндіріске, күнделікті тұрмысқа барған сайын көбірек керек болуда. Жер бетінің 2/3 – нен астамын су алып жатқаны белгілі. Бірақ оның 98℅- ы пайдалануға жарамайтын мұхит пен теңіздің тұзды суы. Тұщы судың үлесіне жер бетіндегі судың 2℅- ы ғана тиеді. Оның өзінің басым көпшілігі жоғары ендіктер мен биік тау басындағы мұздықтарға шоғырланған. Сондықтан адам баласы жер бетінде судың 00, 1℅- ын ғана пайдалана алады. Оның үстіне өндіріс орындарынан тұрмыс мұқтажын өтеуден шыққан сарқынды су, егістіктерден тфңайтқыштармен, улы заттармен уланған су өзен, көл жер асты суларын ластайды. Осының бәрі су қоймаларының суын қорғау қажеттігін туғызады.

«Арал қасіреті» жайлы бейнетаспадан көрсету.

Әр топтың пікірі тыңдалады

Топтық тапсырма

Зерттеушілер: «Су туралы» мақал - мәтел жазу, тыйым сөздер жазу.
2. Ғалымдар: «Суды қорғау» тақырыбына әңгіме жазу.
3. Экологтар: «Арал қасіреті»дегенді қалай түсінесің? Эссе жазу.

Оқулықпен жұмыс

Жұптық жұмыс

Мәтінді оқып, бір-біріне түсіндіреді

Ой қорыту

Слайд көрсетемін

Оқушылар осы материал бойынша өз пікірлерін қорытады

                          Бағалау                                 

Мұғалімнің іс-әрекеті

Оқушының іс-әрекеті

Бақылайды, бағалайды.

Берілген бағалау парақшасы бойынша топ басшысы өз тобының мүшелерін  бағалайды.

                                                     Үйге тапсырма                        

Мұғалімнің іс-әрекеті

Оқушының іс-әрекеті

Су- өмір нәрі эссе жазу

Күнделікке жазады.