Физика 7 сынып. Сабақтың тақырыбы: Дене қозғалысы бағытында әрекет ететін күштің жұмысы

Сабақтың мақсаты:Топтық жұмысты ұйымдастыра отырып, жұмыстың белгіленуі, формуласы,өлшеу бірлігін білу және жұмыстыесептей білу дағдыларын жетілдіру және оның практикалық маңыздылығын түсіне білу дағдыларын қалыптастыру.

Сабақтың типі: Жаңа сабақты игеру.

Үй жұмысы: Архимед күші. Денелердің жүзу шарттары. ( мақсаты: денелердің жүзу шарттарың өмірде пайдалана білу).

Күтілетін нәтиже: Жұмыс ұғымымен танысып мағлұмат алады ,негізгі деректерді біледі, жаңа ұғымдарды меңгереді,есептер шығару нәтижесінде дағдылары дамиды.

Алған білімдерін күнделікті өмірмен байланыстыра алады.

Топқа бөлу: Оқушыларды суреттер арқылы топқа бөлу

Қолданылатын әдіс-тәсілдер:

Топтық жұмыс, жұптық жұмыс.  Диалогтік оқыту: Үй тапсырмасын тексеруде. (Үлгерімі төмен оқушыларға үлгерімі жоғары оқушылар сұрақ қою арқылы жұмысқа тарту.)

1-тапсырма: Жеке және топтық жұмыс. Әр топ тұрмыста « жұмыс» деп жеке адамдардың жасаған еңбегін айтады. ( Мақсаты: ұғымды кез келген дененің әрекетімен түсіндіру. ( Мысалы: аққан су, құлаған денелер т.б.))

 2-тапсырма: Жеке тапсырма. Физика негізінен механикалық жұмысты қарастырады.( Мақсаты: дене қозғалыста болғанда механикалық жұмыс атқаруы, оған күш әсер ету керек) ( Мысалы: магнитке дене тартылу, тартылу күші әсер етеді)

3-тапсырма: Топтық тапсырма. ( Мақсаты: тәжірибе арқылы істелген нақты жұмыстың формуласын, өлшем бірлігін жазу)A= F*s, өлшем бірлігі Джоуль қысқаша белгісі Дж. 1 джоуль = 1 ньютон * 1 метр

I топ. Жүк салмаған арбашаның істеген жұмысы.

II топ. Жүк салған арбашаның істеген жұмысы

4-тапсырма: Топтық тапсырма. ( Мақсаты: жұмыс формуласын пайдаланып есеп шығарту) . (Үлгерімі төмен оқушыларға үлгерімі жоғары оқушылар есеп шығаруға көмек көрсетеді)

1-есеп: Салмағы 40Н денені 12 м биіктікке көтеруге жұмсалған жұмысты табыңдар. (A= F*s )

2 – есеп: Көлемі 0,5 м³ гранит тасын 20м биіктікке көтергенде істелетін жұмысты есептеңдер. Граниттің тығыздығы 2500 кг/ м³. ( A= F*s. F= m*g.

m= s*V.)

3-4 есептер: Есептер мен жаттығулар жинағынан есептеу.

 5-тапсырма: Сыныпқа бағытталған тапсырма.Видеофильм көрсету

« Техниканың жұмыс істеу». Оқушылар видеофильмде көрген « жұмыс» тұралы өз ойларын айтады.

Бағалау: Топтық бағалау: бағалау критерийлері көрсетілген бағалау парағы арқылы бағалау.

Өзін-өзі бағалау: критерийлері көрсетілген бағалау парағы арқылы.

Үйге тапсырма: Тақырып соңындығы өзін -өзі тексеру сұрақтарына жауап беру.

Кері байланыс: