Биология пәнінен 6 – сыныптарға арналған тест жұмыстары

Кажекенова Эльмира Асимхановна

«№30 жалпы орта білім беретін мектеп» КММ

 ШҚО Семей қаласы

Ұлғайтқыш  құралдар .

Өсімдік  жасушасының  құрылысы.

1. Затты  3-5  есе  үлкейтіп  көрсететін  құрал: 

а)тұтқалы  ұлғайтқыш  әйнек  ә)микроскоп  б)ұлғайтқыш  қол  әйнегі

2. Затты  10-25  есе  үлкейтіп  көрсететін  құрал:

а)микроскоп  ә)тұтқалы  ұлғайтқыш  әйнек  б)ұлғайтқыш  қол  әйнегі.

3.  Жарық  түсіру  қызметін  атқаратын  микроскоп  бөлімі:

а)окуляр  ә)айна  б)объектив  в)көру түтігі

4.  Микроскоптың  барлық  бөлімдері  бекітілген  тірегі:

а)табан  ә)заттық  үстелше  б)бұранда  в)тұтқа

5.  Микроскоптың  бірнеше   линзасы  бар  бөлімі:

а) көру  түтігі   ә)айна  б)окуляр  в)объектив

6.  Көру  түтігін  қозғау  қызметін  атқаратын  микроскоп  бөлімі:

а)бұранда  ә)табан    б)тұтқа   в)заттық  үстелше

7.Барлық  күрделі  тіршілік  әрекеттеріне   қатысатын  желімтек , созылмалы , қоймалжың    тірі  зат:

а )цитоплазма    ә)жасуша  қабықшасы    б)ядро   в)вакуоль

8.  Тек  өсімдік  жасаушасында  болатын  органоид:

а)ядро   ә)пластидтер    б)вакуоль   в)цитоплазма

9.  Жасушаға  белгілі  пішін,  мықтылық  қасиет  беріп,  зақымданудан  қорғайтын  органоид:

а)цитоплазма   ә)жасуша  қабықшасы   б)ядро   в)вакуоль

10.Жасуша  ішіндегі  сұйықтықтың  қысымын  реттейтін,  керексіз  улы  заттарды  ыдырататын  және  жасушаның  қоректенуіне  жұмсалатын  шырын  жиналатын  орын:

а)цитоплазма    ә)ядро    б)пластидтер    в)вакуоль                                          

11.  Цитоплазмасыз  тіршілік  ете  алмайтын,  көбеюге  қатысатын  жасуша  бөлігі:

а)вакуоль    ә)цитоплазма    б)ядро    в)пластидтер                                                                                                 

12.  Өсімдік  тұқымында,  тамырында,  түйнегінде  қор  жинауға  қатысатын  пластидтер:

а)хромопластар    ә)лейкопластар    б)хлоропластар

13.  Фотосинтез  процесіне  қатысатын  пластидтер:

 а)хлоропластар   ә)хромопластар   б)лейкопластар

14.  Жемтамырларға,  піскен  жемістерге  түс  беретін  пластидтер:

а) хлоропластар    ә)лейкопластар    б)хромопластар   

Өсімдік    ұлпалары.

І-нұсқа

 1.Өсімдіктерді  әртүрлі  қолайсыз  жағдайлардан  қорғайтын  ұлпа:

а)түзуші    ә)негізгі     б)жабын

2.Тамырдың   топырақтан  сорып  алған  минералды  тұздарының  ерітіндісін  жер  үсті  мүшелеріне  жеткізетін  ұлпа:

а)бөліп  шығарушы    ә)өткізгіш    б)тірек

3  Жасушалары  ұдайы  бөлініп,  өсімдік  өсуін  және  бүршік  жаруын  қамтамасыз  ететін  ұлпа: 

а) өткізгіш    ә)негізгі    б)түзуші

4.  Өсімдіктердің  жер  асты  және  жер  үсті  мүшелерінде  қоректік  заттарды  қорға  жинайтын  ұлпа:

а)негізгі    ә)түзуші    б)өткізгіш

5.  Өсімдікті  ауру  тудыратын  микробтар  мен  зиянды  жәндіктерден,  малға  жем  болудан  сақтайтын  ұлпа:
а)негізгі    ә)тірек    б)бөліп  шығарушы

6.  Өсімдіктің  зақымданған  жерін  қайта  қалпына  келтіретін  ұлпа:
а)жабын    ә)түзуші    б)өткізгіш

7.  Жасушалары  қатты,  қиыршықты  ұлпа: 

а)бөліп  шығарушы    ә)өткізгіш    б)тірек

8.  Хлоропластары  бар  тірі  жасушалы  ұлпа:

а)түзуші    ә)бөліп  шығарушы    б)негізгі 

9. Жасушалары  ұзын,  түтік  тәрізді  ұлпа: 

а) өткізгіш      ә)тірек           б)негізгі

10. Судың   артық   булануынан   сақтайтын   ұлпа:

а)бөліп  шығарушы      ә)жабын    б)түзуші.

11.  Сабаққа ,  жапырақ   сағағына ,   жүйкелеріне   беріктік  қасиет  беретін   ұлпа:

а)тірек    ә)негізгі    б)өткізгіш

12.  Сүт   жолы   мен   шайыр   жолы    ашылатын   ұлпа:

а)жабын    ә)бөліп  шығарушы        б)негізгі